TAZƔENT TADAWSANT , TAZƔENT N TSIHRANT!

Aṭṭan n COVID-19 id yekkan seg ubirus n Kuṛuna(Corona) id yibanen tagara n useggas n 2019 deg yeɣṛem n Wuhan di Tmurt n Cinwa. Tamurt n Cinwa tuɣal d taqqaṛṛabt u imḍebṛen-is ur d-ufin-ara tawilat s wacu ad magren tawaɣit-a. COVID-19 ur yiεeṭṭel-ara yuɣ tuget n tmura n umaḍal. Timura yettwaɣen aṭas d timura n Utaram am Ṭelyan, Fṛansa d Spenyul.

Tawaɣit-a teglad s yiwet n tezɣent tameqqṛant deg uḥric adawsan u adamsan. Tasartit talibiṛalit d tin d yuɣalen deg uɣṛeb. Di yal tamnaḍt n lqaεa, imdanen faqqen s wazal tesεa tafna n uzayez. Deg uḥric n tdawsa , tafna n uslig d tin yerẓan tafna n uslig ; imdanen yuɛṛasen ad dawin.

Seld tazɣent-a , aṭas n tmura tilibiṛaliyin id yessawlen i yiwen n wahil akinizi amin n id yellan di tezɣent tadamsant tagreɣlant n 1929. Ahil-a d win ad yeǧǧen awanek ad yessufeɣ tadrimt-is akken ad isellek aḥric n uslig yeɣlin si tezɣent.

Assa , amaḍal yettidir s wuṭṭunen; wid yihelken Kuṛuna, wid yenɣa d wid yeḥlan. Maca ahat dayen ad yellin allen-nneɣ ɣaf yar tameddurt id negra ddaw tsihrant.

COVID-19 d tiyita i tsartit tasihrant deg umaḍal. Maca, amennuɣ ad yili seld tagara n waṭṭan-a. Amennuɣ n yemɣiden d yixeddamen n umaḍal sumata ad yili akken ad yili usɣiwes n ufaras,tawilat n yixeddim ad ilin gar ifassen n yixeddamen, tuɣalin n wazal i tafna n uzayez d unadi usnnan yefɣen i tazla s adrim. Wid d tid id yessufɣen tamsulta d isardasen akken ad kkeblen imdanen deg yexxamen-nsen neɣ yessawalen ar twizi sɣuṛ wid yenɣa llaẓ, d wid yeǧǧan tadawsa ad tettwaɣ, d wid yekkaten imejjawen yessuturen izerfan-nsen, d wid yestixiṛen ixeddamen di sbiṭarat. Assa tazɣent-a tadawsant aẓaṛ-is d adamsan, aẓaṛ-is d tasihrant ur yebɣin-ara tazmart i talsa. Abrid d win i walant wallen; d abrid n tnemla tagrawlant. Amar BENHAMOUCHE (Aεmeṛ BENḤEMMUC)