MARIKAN TEBƔA VINEZWILA D ASFEL DEG TALLIT-A N TEZƔENT!

Deg teswiɛt anda amaḍal yenṭeṛ , imdanen ttsuɣun i tallelt d twizi mgal anfafad n Kuṛuna(Corona), aselway n yiwanaken n Marikkan yedduklen(USA), d win yezzin aɛrur i tezɣent-a tadawsant d tezɣent tadamsant tettidir tmurt-is deg wussan-a ineggura.

Ussan-a, aṭas n lebwabeṛ n ṭṭrad n tnezmert tasardasit tamenzut n umaḍal i d-yezzin i lecḍuḍ n tmurt n Vinezwila. Aselway n tmurt n Marikan, Trump, d win i d-yennan dakken aselway n Vinezwila Maduru d win yellan deg usettu n lehyuf d tallelt i rrebrab. Aya yettwali-t ad d-yawin tiggdi d wayen n diri i Marikan d tɣellist-is.

Ma yella iwanaken n Marikan yedduklen d tanezmert tadamsant u tasardasit maca tasertit-is talibiralt d tin yerẓan aɣṛef-is d yiɣeṛfan n umaḍal s umata. Mačči s uɣbel n tɣellist ad ikellex Trump imarikaniyen yettmettaten yal ass s Kuṛuna , wid ur nesɛi adrim ad ẓren amejjay neɣ wid d tid yeqqimen wer ixeddim.Ḥala tadukli n yiɣerfan ad yessufɣen amaḍal seg tudert n ddel d waṭṭanen.

AƐmeṛ BENḤEMMUC (Amar BENHAMOUCHE)